ရန်ကုန်ရုပ်ရှင်ကျောင်း အကြောင်း

ရန်ကုန်ရုပ်ရှင်ကျောင်းကို အင်္ဂလိပ်-မြန်မာကပြား ရုပ်ရှင်ပညာရှင်တစ်ဦးဖြစ်သူ လင်းဇေးမယ်ရီဆင် က ၂၀၀၅ ခုနှစ်တွင် စတင်တည်ထောင်ခဲ့ပြီး  ၎င်းကျောင်းသည်ဘာလင်အခြေစိုက် ကိုယ်ကျိုးမဖက်အဖွဲ့အ စည်းဖြစ်၍  မြန်မာနိုင်ငံရှိ ဖွံ့ဖြိုးစ လူငယ်လူရွယ် မီဒီယာသမားများ၏ အသိုက်အ၀န်းကို ပံ့ပိုးကူညီ အားပေးနိုင်ရန် ဖန်တီးခဲ့ခြင်းဖြစ်သည်။ ၂၀၀၅ ခုနှစ်တွင် ကျောင်းအိပ်ကျောင်းစား သင်တန်းတစ်ခုကို ပထမဦးဆုံး စတင်ဖွင့်လှစ်ခဲ့ချိန်မှစ၍ သင်တန်းပို့ချမှုများနှင့် ရိုက်ကူးထုတ်လုပ်သည့် ရုပ်ရှင်ကားများ   သည် တစ်စထက်တစ်စ ပိုမိုအားကောင်းလာခဲ့ပေသည်။

YFS သည် ကမ္ဘာတစ်ဝန်းမှ အတွေ့အကြုံရင့်ကျက်သည့် ရုပ်ရှင်ပညာရှင်များကို ပုံမှန်ခေါ်ယူလျက် မီဒီယာနှင့် ပတ်သက်၍ အတွေ့အကြုံ နည်းပါးသည့် သို့မဟုတ် လုံးဝမရှိသေးသည့် မြန်မာလူငယ် အမျိုးသား၊ အမျိုးသမီးများအတွက် ရုပ်ရှင်သင်တန်းများကို ရန်ကုန်မြို့တွင် ပုံမှန်ပို့ချပေးလျက်ရှိပါသည်။ ၎င်းသင်တန်းများတွင်ရုပ်ရှင်ဇာတ်ညွှန်းရေးသားခြင်းမှအစတည်းဖြတ်ခြင်းအဆုံး ရုပ်ရှင်ရိုက်ကူးမှုပညာ ဆိုင်ရာ အစိတ်အပိုင်းအားလုံး ပါဝင်ပါသည်။

ခြောက်နှစ်တာ ကာလအတွင်း YFS သည် သင်တန်းပေါင်း ၁၅ ခုကျော် ဖွင့်လှစ်ပို့ချပေးခဲ့ပြီး သင်တန်း  သား ၅၀ ခန့်ကို လေ့ကျင့်သင်ကြားပေးနိုင်ခဲ့သည်။ ၎င်းသင်တန်းသားအများစုသည် မီဒီယာနယ်ပယ်၌    ပင်ဆက်လက် ရပ်တည်လျက်ရှိကြပေသည်။ ဤသင်တန်းများက ဖန်တီးမွေးထုတ်ပေးခဲ့သည့်မှတ်တမ်း ရုပ်ရှင်နှင့် မှတ်တမ်းအသွင် ဇာတ်လမ်းရုပ်ရှင်ကား အရေအတွက်မှာလည်း ၅၀ နီးပါးပင် ရှိခဲ့သည်။ YFS    မှ ရိုက်ကူးထုတ်လုပ်သည့် ရုပ်ရှင်ကားများသည် နိုင်ငံတကာ ရုပ်ရှင်ပွဲတော်များတွင် တစ်စထက်တစ်စ ပိုမိုထိုးဖောက်ဝင်ရောက်ပြသလာနိုင်နေကြပြီး ၎င်းတို့အနက် A Sketch of Wathone, Again and Again,  A Million Threads စသည့် ရုပ်ရှင်ကားများသည် ဆုတံဆိပ်များပင် ဆွတ်ခူးရရှိခဲ့ပေသည်။

YFS သင်တန်းဆင်းများသည် ၂၀၀၉ ခုနှစ်မှစ၍ သင်တန်းနည်းပြများအဖြစ် ဆောင်ရွက်ရင်းဆက်လက် ပညာဆည်းပူးလျက်ရှိကြသည်။ ၎င်းတို့ က နောက်မျိုးဆက် သင်တန်းသားများအား ၎င်းတို့၏ အသိ   ပညာ၊ အတတ်ပညာများကို လက်ဆင့်ကမ်း ဝေမျှပေးလျက် ရှိကြပါသည်။

YFS သင်တန်းသားများသည်  မျိုးမတူဓ လေ့ခြားသည့် တိုင်းရင်းသားလူမျိုးစု အသီးသီးနှင့် လူတန်းစား အလွှာမျိုးစုံတိုမှ ဖြစ်ကြပြီး ရုပ်ရှင်၊ စာနယ်ဇင်း၊ စာပေ၊ ဓာတ်ပုံ၊ ပန်းချီ၊ နည်းပညာ၊ ကျန်းမာရေးနှင့်  ဖွံ့ဖြိုးရေး စသည့် ကျွမ်းကျင်မှုနယ်ပယ်ပေါင်းစုံမှလာကြသူများ  ဖြစ်ပါသည်။ သင်တန်းသားများသည်     YFS ၏ သင်တန်းများကို စံနမူနာပြုလောက်သည့် အာရုံစူးစိုက် နှစ်မြှပ်ဆောင်ရွက်မှု၊ ဖန်တီးနိုင်သည့် အရည်အချင်းများဖြင့် တုံ့ပြန်ခဲ့ကြပြီး သင်တန်းသားအများစုက ဤသင်တန်းများသည် မိမိကိုယ်မိမိ ယုံကြည်ကိုးစားမှုကို အတိုင်းအဆမရှိ မြှင့်တင်ပေးနိုင်သည့် လှုံ့ဆော်အားပေးမှုတစ်ရပ်အဖြစ်ရှုမြင်ခဲ့  ကြပေသည်။ မှတ်တမ်းရုပ်ရှင် အခြေခံသင်တန်းသားများအတွက်သင်တန်းမျာ(beginners  course) ကို နှစ်စဉ်ပို့ချပေးလျက်ရှိသည်။ လျှောက်ထားလိုသူများသည် လျှောက်လွှာများ ကို သတ်မှတ် ကာလအတွင်း ပေးပို့လျှောက်ထားနိုင်ပါသည်။

YFS ၏ ရိုက်ကူးထုတ်လုပ်ရေး လုပ်ငန်းခွဲဖြစ်သည့် ရန်ကုန်ရုပ်ရှင် ၀န်ဆောင်မှုလုပ်ငန်းများ  (Yangon Film Services) သည် ၎င်း၏ ပထမဆုံးသော လုပ်ငန်းပရိုဂျက် ရုပ်ရှင်ကားကို Population Services International အမည်ရှိ အပြည်ပြည်ဆိုင်ရာ အစိုးရမဟုတ်သည့် အဖွဲ့အစည်းအတွက် ၂၀၀၆ ခုနှစ်တွင် ရိုက်ကူးထုတ်လုပ်ခဲ့ပြီး ထိုအချိန်မှစ၍ မြန်မာနိုင်ငံအခြေစိုက် ပြည်တွင်းနှင့် နိုင်ငံတကာ ဖွံ့ဖြိုးရေး အဖွဲ့အစည်းများအတွက် ရုပ်ရှင်ကားများကို ပုံမှန်ဖန်တီး ရိုက်ကူးထုတ်လုပ်ပေးလျက်ရှိပါသည်။

မြန်မာနိုင်ငံ မြောက်ဖက်စွန်း ကချင်ပြည်နယ်မှ တောင်ဖက်တွင် ဧရာဝတီမြစ်ဝကျွန်းပေါ်အထိနိုင်ငံအနှံ့ အပြားတွင် လှည့်လည်ရိုက်ကူးခဲ့ပြီး များပြားကျယ်ပြန့်လှသည့် အကြောင်းအရာမျိုးစုံကို လွှမ်းခြုံနိုင်ခဲ့   သည့် ဤရုပ်ရှင်ကားများသည် ဖွံ့ဖြိုးမှု အကူအညီပေးရေးဆိုင်ရာ အဖွဲ့အစည်းများအတွက်တန်ဖိုး မဖြတ်နိုင်သော မြှင့်တင်မှုဆိုင်ရာနှင့် ကျန်းမာရေး သတင်းစကား ဖြန့်ဖြူးမှုဆိုင်ရာ ကိရိယာတစ်ရပ်    အဖြစ် ဆောင်ရွက်ပေးနိုင်ခဲ့ပါသည်။

 





Visit Us On Facebook